কেইটামান বছৰ আগৰ পৰা মোবাইলৰ ব্যাবহাৰ দ্ৰুত গতিত বৃদ্ধি পাইছে। মোবাইলৰ ব্যাবহাৰে সৰুৰে পৰা ডাঙৰলৈ বুঢ়াৰ পৰা বুঢ়ীলৈ সকলোকে বিভিন্ন দিশত আগ্ৰহী কৰি তুলিছে। হাতৰ মুঠিত পৃথিৱীৰ সকলো খবৰ, লেন দেন, উপাৰ্জনৰ পথ, মনোৰঞ্জন আদি মোবাইলৰ যোগেদি উপলব্ধ। মোবাইল ফোন অহাৰ লগেলগে কিছুমান জনপ্ৰিয় সেৱা বন্ধ হৈ পৰিছে। এতিয়া প্ৰতিখন ঘৰতে আধুনিক প্ৰযুক্তিৰ মোবাইল উপলব্ধ। মোবাইলৰ ব্যাবহৰে সমাজত ভাল বেয়া দুয়োটা দিশত প্ৰভাৱ পৰিছে। একাংশৰ মাজত ছ’চিয়েল মিডিয়াৰ ব্যৱহাৰ দ্ৰুতগতিত বৃদ্ধি পাইছে। ব্ৰিটেইনত কৰা এক গবেষণাৰ মতে, অধিক ছ’চিয়েল মিডিয়া ব্যৱহাৰ কৰা সকল নিজৰ জীৱনত সুখী নহয়।
সকলো বস্তুৰেই এটা সীমা থাকে সীমা পাৰ কৰিলে ক্ষতি হোৱা স্বাভাৱিক। অধিক ছ’চিয়েল মিডিয়া ব্যৱহাৰ কৰাটোও ক্ষতিকাৰক হ’ব পাৰে। এতিয়া বিজ্ঞান ইমানেই আগবাঢ়িছে আৰু আগবাঢ়িবও দেশ-বিদেশত বহি থকা বন্ধু-বান্ধৱী আৰু আত্মীয়-স্বজনৰ লগত কেইমূহুৰ্তৰ ভিতৰতে কথা পাতিব পাৰি। ছ’চিয়েল মিডিয়া প্লেটফৰ্মৰ সহায়ত আপুনি নিজৰ দৈনন্দিন কাম-কাজ বন্ধু-বান্ধৱীৰ সৈতে শ্বেয়াৰ কৰিব পাৰিব। কিন্তু যোৱা কিছুবছৰৰ পৰা ছ’চিয়েল মিডিয়াৰ প্ৰতি জনসাধাৰণ বেছি আকৰ্ষিত হৈ পৰিছে, মানুহে বেছিভাগ সময় ছ’চিয়েল মিডিয়াত কটায়।
প্ৰাপ্তবয়স্কসকলতকৈ অধিক কিশোৰ কিশোৰীয়ে ছ’চিয়েল মিডিয়াত অধিক সময় কটায় আৰু ইয়াৰ ফলত তেওঁলোকৰ চিন্তাধাৰা আৰু আচৰণতো প্ৰভাৱ পৰে। ব্ৰিটেইনৰ নেচাৰ কমিউনিকেচনে কৰা অধ্যয়নত দেখা গৈছে যে বিভিন্ন বয়সৰ শিশুৱে ছ’চিয়েল মিডিয়া ব্যৱহাৰ কৰিলে তেওঁলোকৰ মগজু, হৰম’ন আৰু আচৰণত প্ৰভাৱ পৰে। কিন্তু বিজ্ঞানীসকলৰ মতে ছ’চিয়েল মিডিয়াৰ ব্যৱহাৰে শিশু আৰু কিশোৰ-কিশোৰীৰ ওপৰত কি প্ৰভাৱ পেলায়, তাৰ ওপৰত অধিক গৱেষণাৰ প্ৰয়োজন, যাতে তেওঁলোকৰ মাজৰ সম্পৰ্ক সঠিকভাৱে বুজিব পৰা যায় আৰু প্ৰমাণ কৰিব পৰা যায়।
ছোৱালীৰ ওপৰত ছ’চিয়েল মিডিয়াৰ প্ৰভাৱ
যোৱা ১২ মাহত ছ’চিয়েল মিডিয়াৰ ব্যৱহাৰ বৃদ্ধি পোৱা ১১ৰ পৰা ১৩ বছৰ বয়সৰ ছোৱালীৰ ওপৰত এই অধ্যয়ন কৰা হৈছিল। অধ্যয়নটোত দেখা গৈছে যে এই ছোৱালীকেইজনীয়ে যিমানেই বেছি সময় ছ’চিয়েল মিডিয়াত কটায়, সিমানেই এবছৰৰ পাছত জীৱনত সন্তুষ্ট হোৱাৰ সম্ভাৱনা কম আছিল।
কিশোৰ-কিশোৰীসকলকো প্ৰভাৱিত কৰে
এই অধ্যয়নত ১৬ৰ পৰা ২১ বছৰ বয়সৰ ছ’চিয়েল মিডিয়া ব্যৱহাৰকাৰীসকলৰ ওপৰতো গৱেষণা কৰা হৈছিল, য’ত ছ’চিয়েল মিডিয়া বহুত ব্যৱহাৰ কৰা ব্যৱহাৰকাৰীসকলক অৰ্থাৎ দৈনিক প্ৰায় ৭ ঘণ্টা ব্যৱহাৰ কৰা ব্যৱহাৰকাৰীসকলক তিনি ঘণ্টা ধৰি ছ’চিয়েল মিডিয়া ব্যৱহাৰ কৰা ব্যৱহাৰকাৰীসকলৰ সৈতে তুলনা কৰা হৈছিল। এই গৱেষণাত দেখা গৈছে যে যিসকল কিশোৰ-কিশোৰীয়ে বেছিকৈ ছ’চিয়েল মিডিয়া ব্যৱহাৰ কৰে, তেওঁলোকে নিজৰ জীৱনত সন্তুষ্ট নহয়।
ছ’চিয়েল মিডিয়াই কেনেদৰে আঘাত দিছে
আজিকালি কেৱল কিশোৰ-কিশোৰী নহয়, শিশুৱেও ছ’চিয়েল মিডিয়াৰ প্ৰতি আসক্ত হৈ পৰিছে আৰু ইয়াৰ প্ৰভাৱ তেওঁলোকৰ পঢ়া-শুনাতো দেখা পোৱা গৈছে। হিংসাত্মক আৰু অশ্লীল কন্টেন্ট আৰু গ্ৰাফিক্স প্ৰায়ে ছ’চিয়েল মিডিয়াত দেখা যায়, যিয়ে শিশুৰ মানসিক স্বাস্থ্য আৰু আচৰণত যথেষ্ট প্ৰভাৱ পেলায়।
ভাৰতত প্ৰভাৱ
ভাৰতত ছ’চিয়েল মিডিয়া ব্যৱহাৰকাৰীৰ সংখ্যাও বৃহৎ, অধ্যয়নৰ পৰা পোৱা তথ্য অনুসৰি ভাৰতৰ মুঠ জনসংখ্যাৰ ৩১ শতাংশই ছ’চিয়েল মিডিয়া ব্যৱহাৰ কৰে। ইয়াৰে বৃহৎ সংখ্যক যুৱ আৰু কিশোৰ কিশোৰী। এই বয়সৰ শিশুৰ মগজু অতি সংবেদনশীল, যাৰ ফলত তেওঁলোকে ছ’চিয়েল মিডিয়াত প্ৰতিদিনে দেখা বিষয়বস্তুৱে তেওঁলোকৰ মানসিক আৰু আচৰণৰ অৱস্থাত প্ৰভাৱ পেলাব পাৰে।
